“Özünə isti geyim almışdı ki, Çeçenistan soyuq olur, orada geyinər”.
APA xəbər verir ki, bunu təyyarə qəzasında həlak olan 26 yaşlı sərnişin Ramin İbrahimovun atası Mahir İbrahimov deyib.
O bildirib ki, oğlu Çeçenistana işləməyə gedirmiş: “İsti paltarlar almışdı. Axşam yemək yedi. Ailəlikcə onu yola saldıq. Axırıncı dəfə səhər saat 9-a 11 dəqiqə işləmiş anasına səs göndərmişdi. Dedi ki, oturub təyyarənin qalxmağını gözləyir. Mən isə hadisənin baş verdiyini satt 11-də bildim”.
M.İbrahimob əlavə edib ki, hadisə barədə sosial şəbəkədən xəbər tutublar: “Mən evə gələndə qardaşım zəng edərək bildirdi ki, sosial şəbəkədə təyyarə qəzası ilə əlaqəli videoları görüb. Mən də tez televizoru açıb xəbəri gördüm”.
