Ermənistan Baş naziri Nikol Paşinyan Erməni Apostol Kilsəsinin katolikosu II Qaregini vəzifəsindən uzaqlaşdırmaq planından danışıb.
Teleqraf xəbər verir ki, o, bu barədə brifinqdə jurnalistlərə bildirib.
“Mənim kilsə ilə bağlı mövqeyim dəyişməyib və heç bir halda dəyişməyəcək. Ktrij Nersisyan (II Qaregin) patriarxlığı tərk etməlidir. Bəli, mənim müəyyən planlarım var, amma bu, Ermənistanda çoxlarının qəbul etdiyi prosesə uyğun gəlmir. Bu, Erməni Apostol Kilsəsinin ardıcıllarının səyləri ilə baş verir, mən də bu prosesə rəhbərlik edəcəyimi söyləmişəm. Düşünürəm ki, yaxın gələcəkdə bu prosesin təzahürlərini görəcəksiniz”, - Paşinyan vurğulayıb.
