Ermənistan hökuməti ehtiyatda olan hərbi qulluqçular üçün 2025-ci ildə genişmiqyaslı təlim toplanışları keçirməyə qərar verib.
Teleqraf xəbər verir ki, qərar bu gün keçirilən Nazirlər Kabinetinin iclasında təsdiqlənib.
Bildirilir ki, təlimlər ehtiyatın birinci qrupunun birinci və ikinci dərəcələrində qeydiyyatda olan sıravi, gizir və zabit heyətini əhatə edəcək.
Toplanışlar cari ilin sentyabrın 15-dən dekabrın 15-dək davam edəcək.
Qeyd edilir ki, bu qərarın məqsədi ehtiyatda olan şəxslərin hərbi hazırlığını artırmaq, onların döyüş qabiliyyətini təkmilləşdirmək və ali təhsilli gizirlərdən gələcək ehtiyat zabitlərini hazırlamaqdır.
