Ermənistan Dövlət Gəlirləri Komitəsinin keçmiş sədri Vardan Arutyunyan həbs edilib.
Teleqraf xəbər verir ki, bu barədə ölkənin Korrupsiyaya qarşı Mübarizə Komitəsi məlumat yayıb.
Qeyd edilib ki, sabiq sədr Korrupsiyaya qarşı Mübarizə Komitəsi tərəfindən aparılan cinayət işi çərçivəsində sahibkarlıq fəaliyyətində qanunsuz iştirak, çirkli pulların yuyulması və digər ittihamlarla həbs edilib.
Vardan Arutyunyan 2014-2016-cı illərdə “Qazprom Ermənistan” (Rusiyanın eyniadlı şirkətinin törəməsi – red.) QSC-nin İdarə Heyətinin sədri və baş direktoru, 2016-2018-ci illərdə isə Ermənistan Dövlət Gəlirləri Komitəsinin sədri olub.
Ermənistan KİV V.Arutyunyanı Rusiyaya yaxınlığı ilə tanınan şəxs kimi təqdim edib.
