“Avropa İttifaqı ölkələri arasında Gürcüstana sanksiyaların tətbiqi ilə bağlı yekdillik yoxdur”.
Teleqraf-ın yerli bürosu xəbər verir ki, bunu Avropa İttifaqının (Aİ) Gürcüstandakı səfiri Pavel Herçinski deyib.
“Avropa İttifaqı səviyyəsində sanksiyalar barədə qərarın qəbulu üçün 27 üzv ölkənin hamısının razılığı tələb olunur. Hazırkı mərhələdə bu razılıq yoxdur, sanksiyalara qarşı çıxan ölkələr var. Məhz buna görə də üzv ölkələr ikitərəfli sanksiyalara qərar veriblər. İttifaq səviyyəsində biz hələ də sanksiyalar tətbiq etməyə çalışırıq və ümid edirik ki, 27 üzv dövlət arasında yekdilliyə nail olacağıq”, - səfir söyləyib.
P.Herçinski qeyd edib ki, namizəd statusu alandan sonra Gürcüstanda Aİ-nin prinsiplərinə zidd olan qanunlar qəbul olunub:
“Biz Gürcüstandan bunu etməməyi, bizə yaxınlaşmağı və bizdən uzaqlaşmamağı xahiş etdik. Təəssüflər olsun ki, çağırışlarımıza məhəl qoyulmayıb”.
