Rusiyada həbsdə olan “1 nömrəli qanun oğru” hesab olunan Şakro Molodoy (Zaxari Kalaşov) azadlığa çıxır.
APA-nın Rusiya bürosu xəbər verir ki, bu barədə Krasnodar diyarının Ust-Labinski rayon məhkəməsindən bildirilib.
Qeyd olunub ki, 70 yaşlı Zaxari Kalaşov səhhətinə görə vaxtından əvvəl azadlığa buraxılacaq.
Məhkəmə bağlı qapılar arxasında onun şərti azadlığa buraxılması tələbini təmin edib. Kalaşovun dəqiq nə vaxt azadlığa çıxacağı hələlik məlum deyil.
Qeyd edək ki, 2018-ci ildə Şakro Molodoy Moskvanın Roçdelskaya küçəsindəki restoranın sahibindən hədə-qorxu ilə pul tələb etdiyinə görə 9 il 10 ay müddətinə azadlıqdan məhrum edilib.
Şakro Ded Xasan ləqəbli "kriminal avtoritet" Aslan Usoyan öldürüləndən sonra onun klanına rəhbərlik edib.
