Azərbaycanın Aktaudakı konsulluğunda təyyarə qəzasında həlak olanların xatirəsi sükutla yad edilib.
APA xəbər verir ki, mərasimdə Türkiyənin, Qazaxıstanın, Özbəkistanın, Türkmənistanın və İranın baş konsulları iştirak edib, xatirə dəftərinə başsağlığı mətni yazıblar.
Faciədə ölən şəxslərin xatirəsinə ehtiram əlaməti olaraq konsulluğun qarşısına gül dəstələri düzülüb.
Qeyd edək ki, 25 dekabr tarixində “Azərbaycan Hava Yolları” aviaşirkətinə məxsus J2-8243 nömrəli Bakı-Qroznı reysini yerinə yetirən “Embraer 190” təyyarəsi təcili eniş zərurəti ilə bağlı Aktau şəhəri istiqamətinə yön alaraq, Aktau şəhəri yaxınlığında qəzaya uğrayıb.
