ABŞ-ın Kaliforniya ştatının Moss Landinq şəhərində böyük elektrik stansiyasında yanğın baş verib.
Axar.az xəbər verir ki, bu barədə Monterrey dairəsinin Fövqəladə Hallar Departamenti məlumat yayıb.
Məlumata görə, yanğın nəticəsində səkkiz rayonda təxliyə elan edilib, sakinlərə pəncərə və qapıları bağlamaq, havalandırma sistemlərini söndürmək tövsiyə olunub.
“Santa Cruz Sentinel” qəzeti yazıb ki, yanğının baş verdiyi obyekt on minlərlə litium batareyadan ibarət olan dünyanın ən böyük akkumulyator elektrik stansiyalarından biridir.
