“İsrailin təhlükəsizliyi müharibənin məqsədlərinə çatmağı tələb edir; bunlara HƏMAS-ın mərkəzində dayandığı İran oxunun məhv edilməsi də daxildir”.
Teleqraf xəbər verir ki, bunu İsrail Baş naziri Binyamin Netanyahu deyib.
“İsrailin təhlükəsizliyi müharibənin məqsədlərinə çatmağı tələb edir, bunlara girovların azad edilməsi, İran tərəfindən ölkəmizin varlığına yönələn nüvə və ballistik təhlükənin, eləcə də mərkəzində HƏMAS duran İran oxunun məhvinin təmin edilməsi daxildir”, - hökumət başçısı vurğulayıb.
Qəzza zolağında atəşkəs razılaşması barədə danışarkən İsrail lideri bildirib ki, HƏMAS bölgədə nizamlanma və girovların azad olunması barədə ancaq boğazında qılınc hiss etdikdə razılaşıb:
“HƏMAS razılaşmanı yalnız o zaman qəbul etdi ki, qılıncı boğazında hiss etdi. Və bu qılınc hələ də oradadır,” – deyə Netanyahu qeyd edib.
Binyamin Netanyahu əlavə edib ki, planın icrasının indiki mərhələsində İsrailin əsas diqqəti girovların azad edilməsinə yönəlib.
