ABŞ prezidenti Donald Tramp ölən girovların cəsədlərini mümkün qədər tez İsrailə qaytarmayacağı təqdirdə HAMAS-a qarşı tədbir görüləcəyini açıqlayıb.
APA xəbər verir ki, o bu barədə öz “Truth” səhifəsində məlumat verib.
"HAMAS iki amerikalı da daxil olmaqla, ölən girovların cəsədlərini mümkün qədər tez qaytarmağa başlamalı olacaq. Əks halda bu böyük sülh prosesində iştirak edən digər ölkələr tədbir görəcək", - o deyib.
Tramp həmçinin əlavə edib ki, növbəti 48 saat ərzində HAMAS-ın hərəkətlərini çox diqqətlə izləyəcək.
