Hökumət koalisiyasını dəstəkləyən Almaniya vətəndaşlarının sayı 2021-ci il federal seçkilərindən bəri ən aşağı səviyyəyə düşüb.
APA xəbər verir ki, bunu Insa İnstitutunun Bild am Sonntag qəzeti üçün keçirdiyi sorğunun nəticələri sübut edir.
Ads by 
0
Reklamınızı SmartBee ilə effektiv edin.
Tədqiqat iştirakçıları növbəti seçkilərdə hansı partiyaya səs verməyə hazır olduqları sualına cavab verməli olublar. Eyni zamanda, hakim koalisiya səslərin cəmi 38%-ni qazanıb ki, bunun da 18%-ni assosiasiyaya daxil olan Sosial Demokratlar Partiyası (SPD) alıb. Rəyi soruşulanların daha 13%-i və 7%-i müvafiq olaraq Yaşılları və Azad Demokratik Partiyasını (FDP) dəstəkləməyə hazır olduqlarını bildiriblər.
Materialda göstərilir ki, koalisiya son seçkilərdən bəri əhali tərəfindən ən aşağı səviyyədə dəstək nümayiş etdirib. Məqalə müəlliflərinin fikrincə, müvafiq göstəricinin aşağı düşməsinə görə məsuliyyət Yaşılların üzərinə düşür. Nəşrin məlumatına görə, cəmi bir həftə ərzində bu partiya seçicilərin 1 faizinin dəstəyini itirib.
Xristian Demokrat və Xristian Sosial Birlikləri bloku (CDU/CSU) öz növbəsində ölkənin ən populyar siyasi qüvvəsinə çevrilib. Respondentlərin 27%-i ona səs verməyə hazırdır. “Almaniya üçün alternativ” də 21% səslə lider olub. Nəşr belə qənaətə gəlib ki, “Sol” partiya əvvəlki araşdırma zamanı olduğu kimi, 5% səs toplayaraq sabitliyi ilə seçilib.
