Argentinanın Buenos-Ayres əyalətinin cənubunda baş verən daşqınlar nəticəsində azı 6 nəfər ölüb, 1000-dən çox insan təxliyə edilib.
“Report” xəbər verir ki, bu barədə X sosial şəbəkəsində Baiya-Blanka şəhərinin meri Federiko Susbelıes məlumat verib.
Merin sözlərinə görə, ziyan görən yaşayış məntəqələrinə 300 mm yağıntı düşüb:
“İndiyədək Baiya-Blankadan 375, Heneral-Daniel-Serri ətrafından isə 800-dən çox insan təxliyə edilib. Ölənlərin sayı 6-ya çatıb və hadisənin miqyasını nəzərə alsaq, qurbanların daha çox ola biləcəyi istisna edilmir”.
Təbii fəlakətin nəticələrinin aradan qaldırılması üçün əraziyə əyalət və federal qüvvələri cəlb edilib.
