Britaniyanın 3 siyasi partiyası “Brexit”i dayandırmaq üçün növbədənkənar parlament seçkilərində taktiki səsvermə haqqında razılığa gəliblər.
“Press Association” xəbər verir ki, söhbət Liberal-demokrat, Uelsin “Playd Kamri” və “Yaşıllar” partiyalarından gedir.
“Biz razılığın əldə olunmasına sevinirik. Bu insanlar üçüb vacib andır. İndi onlar AB-də üzvlüyü saxlamaq üçün bizim namizədlərə səs verə bilərlər”, - bunu “liberal demokratlar”ın lideri Co Suinson deyib.
Razılığa əsasən 3 siyasi partiyanın namizədləri eyni seçki dairəsində yalnız şansı çox olan birinə dəstək verəcəklər. Belə olan təqdirdə namizədin parlamentə keçmə ehtimalı daha yüksək olacaq.
