Böyük Britaniyanın xarici işlər naziri Devid Lemmi London yaxınlığında ABŞ-ın vitse-prezidenti Ceyms Vens, Ukrayna prezident administrasiyasının aparat rəhbəri Andrey Yermak, Ukrayna Milli Təhlükəsizlik və Müdafiə Şurasının katibi Rustem Umerov və Avropa liderlərinin milli təhlükəsizlik müşavirləri ilə Ukrayna üzrə danışıqlar aparıb.
APA xəbər verir ki, Lemmi bununla bağlı öz “X” hesabında məlumat verib.
"Avqustun 9-da mən “Chevening House”da Andrey Yermak, Rustem Umerov, Ceyms Vance və Avropa milli təhlükəsizlik müşavirləri ilə Ukraynada sülh üçün növbəti addımları müzakirə etmək üçün görüşdüm. Böyük Britaniyanın Ukraynaya dəstəyi dəyişməz olaraq qalır. Biz ədalətli və davamlı sülh üçün çalışmaqda davam edirik", - o, bildirib.
