Konqo Demokratik Respublikası (KDR) ilə Ruanda arasındakı münaqişənin həllinin təşviqinə həsr olunmuş konfransın iştirakçıları KDR-dəki mülki şəxsləri dəstək məqsədilə 1,5 milyard avro ayırmaq barədə razılığa gəliblər.
Axar.az xəbər verir ki, bu barədə konfransın bağlanış mərasimində çıxış edən Fransa Prezidenti Emmanuel Makron bildirib.
"Əhalinin ən həssas təbəqələri üçün kollektiv olaraq 1,5 milyard avrodan çox yardım toplanılıb", - deyə o bildirib.
Makron həmçinin qeyd edib ki, BMT-nin KDR üçün 2,5 milyard dollarlıq mövcud humanitar yardım planı hazırda yalnız 16% maliyyələşdirilib.
