Çin Xarici İşlər Naziri Vang Yi, ABŞ-ın müttəfiqlərinə Rusiya nefti alıcılarına əlavə tariflər tətbiq etmə çağırışından sonra, Çinin müharibələrə tərəfdar olmayacağını açıqlayıb.
Sherg.az xəbər verir ki, Sloveniya paytaxtı Lyublyanada həmkarı ilə keçirdiyi mətbuat konfransında Vang deyib: “Müharibələr problemləri həll etmir, sanksiyalar isə işləri daha da mürəkkəbləşdirir.”
ABŞ, Rusiyanın Ukraynadakı müharibəsini bitirmək üçün ölkələri Rusiya nefti almamağa çağırır.
Bu çərçivədə Hindistana əlavə tariflər tətbiq olunarkən, Rusiyanı “hər şəraitdə strateji tərəfdaş” hesab edən Çin üçün sanksiya tətbiq edilməyib.
