Tavuş vilayətinin qubernatoru Vahe Qalumyan bu dəqiqələrdə Ermənistan hökumətinin binasına gəlib. O, jurnalistlərin suallarını cavablandırmaqdan imtina edərək çox sürətlə binaya daxil olub.
Bakupost.az -ın News.az-a istinadla məlumatına görə, təxminən 10 dəqiqə sonra 10 nəfər Ermənistanın baş naziri Nikol Paşinyanla görüşəcək.
Bundan əvvəl bildirilib ki, Nikol Paşinyanın bu gün İrəvanda Xeryimli (Kirants-red.) sakinləri ilə görüşü planlaşdırılır.
Qeyd edək ki, Qazaxın 4 kəndinin - Bağanis (ER) - Bağanis Ayrım (AR), Voskepar (ER) - Aşağı Əskipara (AR), Kirants (ER) – Xeyrimli (AR) və Berkaber (ER) - Qızılhacılı (AR) Azərbaycana qaytarılması qərarından sonra Ermənistanın Tavuş bölgəsində və İrəvanda etiraz aksiyaları keçirilir. Ermənistandakı "Qarabağ klanı" hər vəchlə iki ölkə arasında əldə olunan razılaşmanı pozmağa çalışır.
