Fransanın əksər departamentlərində istilərlə bağlı "narıncı" xəbərdarlıq elan edilib.
"Report" xəbər verir ki, bu barədə "Meteo France" Milli Meteorologiya Xidməti məlumat yayıb.
Beləliklə, "narıncı" xəbərdarlıq səviyyəsinin elan edildiyi departamentlərin sayı 49-a yüksəlib.
Fransanın cənub rayonlarında havanın temperaturu avqustun 20-də 35-38 dərəcəyə çatacaq. Eyni zamanda, Rona vadisinin aşağı hissəsində 40 dərəcədən artıq isti gözlənilir.
Qeyd olunur ki, yüksək temperatur gələn həftənin ortalarına qədər davam edəcək.
