Ukrayna Silahlı Qüvvələri Krım ərazisinə pilotsuz uçuş aparatları ilə (PUA) zərbələr endirib.
Teleqraf xəbər verir ki, bu barədə Rusiya Müdafiə Nazirliyi özünün teleqram kanalında məlumat yayıb.
Nazirliyin açıqlamasına görə, hava hücumundan müdafiə qüvvələri hücum zamanı Krım üzərində ümumilikdə 8 PUA-nı vurub. Hadisə Moskva vaxtı ilə saat 07:00-dan 07:30-a qədər baş verib.
Qeyd edək ki, Ukraynanın son aylarda Rusiyanın işğal etdiyi Krım ərazisinə hava və dəniz dronları ilə hücumları intensivləşib.
