İlon Mask tərəfindən yaradılmış ABŞ Hökumətinin Səmərəliliyi Departamenti (DOGE) səlahiyyət müddətinin bitməsinə səkkiz ay qalmış fəaliyyətini dayandırıb.
Oxu.Az xəbər verir ki, bu barədə "Reuters" agentliyinə ABŞ hökumətinin kadr xidməti idarəsinin rəhbəri Skott Kupor məlumat verib.
"Belə qurum artıq mövcud deyil", - deyə o bildirib. Kupor əlavə edib ki, DOGE artıq mərkəzləşdirilmiş struktur deyil.
Bildirilir ki, Heyəti İdarəetmə Xidməti (OPM) ləğv edilmiş qurumun bir çox funksiyalarını öz üzərinə götürüb.
Prezident Donald Trampın andiçmə günündə yaradılmış bu quruma hökumət aparatının yenidən qurulması səlahiyyətləri verilmişdi. Rəhbəri İlon Mask təyin edilmişdi. Sahibkar yazda müqaviləsi bitdikdən sonra vəzifəsini tərk etmişdi. Lakin bu addımı maliyyə üzündən irimiqyaslı qanun layihəsi üzrə ölkə rəhbərliyi ilə fikir ayrılıqları fonunda atmışdı. Onun fikrincə, bu qanun layihəsi büdcə kəsirinin artmasına gətirib çıxara bilərdi.
Maskın gedişindən sonra departament nüfuzunu itirməyə başlayıb, əməkdaşların bir qismi oradan ayrılıb ki, bu da yerli ekspertlərin fikrincə, onun bağlanmasını sürətləndirib.
