Katoliklərin ruhani lideri Papa Fransisk ikiqat pnevmoniya diaqnozu ilə 38 günlük xəstəxanada qaldığı müddətdə iki dəfə fövqəladə vəziyyətlə üzləşib. Papanın tənəffüs tutması keçirdiyi gün və yemək yeyərkən qusduğu zaman boğulduğu vaxt ölümə yaxınlaşdığı iki ən kritik an hesab edilirdi.
Sherg.az xəbər verir ki, İtaliyanın Gemelli Homelli şəhərində ikitərəfli pnevmoniya diaqnozu ilə müalicə olunan 88 yaşlı Papa Fransiskin həkimi, professor Sergio Alfieri mətbuata danışıb.
Alfieri İtaliyanın "Corriere della Sera" qəzetinə bildirib ki, ən kritik məqam fevralın 28-də Papanın tənəffüs tutması keçirib öz qusmasını nəfəs alması zamanı baş verib.
Alfieri, belə bir vəziyyətdə "ya müalicəni bitirib onu buraxmaq, ya da digər orqanlarına zərər vurma riskini gözə alaraq, bütün mümkün dərman və müalicələrdən istifadə edərək müalicəni davam etdirmək" seçiminə sahib olacaqlarını söyləyib.
Bu məsələdə son qərarı Papanın özünün verdiyini bildirən baş həkim müalicəni gücləndirərək davam etdirməyi seçdiklərini izah edib.
Alfieri, "Qərar həmişə Papaya məxsusdur. “Hər şeyi sınayın, təslim olmayın” dedi. Eyni şeyi düşündük və heç kim də vaz keçmədi" deyə danışıb.
Papanın vəziyyəti pisləşdikdə belə tam şüurlu olduğunu qeyd edən Alfieri bildirib: "Həmin axşam çox qorxulu idi. O da bizim kimi o axşam sağ qala bilməyəcəyini bilirdi. Onun əziyyət çəkdiyini gördük. İlk gündən ona həqiqəti söyləməyimizi istədi".
Papanın daha əvvəl bu prosesdə iki dəfə ölüm təhlükəsi ilə üz-üzə qaldığını söylədiyini xatırladan Alfieri, "Çətin bir dövr yaşayırdıq, o zaman Papa yemək yeyərkən qusmasından boğulma təhlükəsi ilə üz-üzə qaldı. Bu, ikinci kritik an idi, çünki birdən-birə ölüm riski ilə qarşılaşırsınız" deyə qiymətləndirmə aparıb.
Martın 23-də Vatikandakı iqamətgahına qayıdan Papa Fransisk, təxminən iki ay davam edəcəyi gözlənilən sağalma prosesinə başlayıb.
