Polşa Xarici İşlər Nazirliyi (XİN) respublika vətəndaşlarına Rusiya ərazisini tərk etməyi tövsiyə edib.
Oxu.Az xəbər verir ki, bu barədə TASS məlumat yayıb.
"Biz Rusiyada olan Polşa vətəndaşlarına həyat, ailə və ya iş şəraiti bu ölkədə qalmağı tələb etmirsə, onun ərazisini tərk etməyi tövsiyə edirik", - deyə Polşa XİN-in saytında yerləşdirilən bəyanatda qeyd olunub.
Bundan əlavə, diplomatik agentlik Rusiya pasportu olan polyaklara xəbərdarlıq edib ki, onlar artıq ölkənin vətəndaşı sayılırlar.
İyulun 18-də Polşa XİN səbəb kimi Varşavanın dost olmayan ölkələr siyahısında olmasını və konsulluq işçilərinin ixtisarını göstərərək, respublika vətəndaşlarını Rusiyaya səfər etməməyə çağırıb.
