Rusiya Prezidenti Vladimir Putin ukraynalı həmkarı Volodimir Zelenski ilə görüşə hazır deyil.
Teleqraf xəbər verir ki, bu barədə CNN məlumat yayıb.
Telekanal bildirib ki, ABŞ Prezidenti Donald Tramp Putin və Zelenski arasında ikitərəfli görüş təyin etməyə razılaşdıqdan sonra Kreml gözləntiləri azaldıb:
“Bəllidir ki, Rusiya lideir Ukrayna prezidenti ilə danışıqlara hazır deyil – təkcə indi yox, gələcəkdə də”.
CNN Putinin Zelenski ilə görüşdən yayınmasının səbəblərinə də diqqət çəkib:
“Analitiklər vurğulayırlar ki, Kreml üçün Zelenski ilə görüş Rusiya təbliğatının illərdir “Qərbin kuklası” kimi göstərdiyi Ukrayna prezidentini ölkənin qanuni lideri kimi tanımaq demək olardı.
Analitik Orisya Lutseviçin sözlərinə görə, Putin ələ saldığı bir liderlə görüşsə, öz uğursuzluğunu qəbul etməli olacaq.
Kreml “Kiyev rejimi” ifadəsini işlətməklə, Zelenskinin adını çəkməkdən çəkinir və sülh sazişindən əvvəl Ukraynada seçkilərin keçirilməsini tələb edir”.
Analitik Tatyana Stanovaya görə, Putin Zelenski ilə görüşü kritik əhəmiyyət kəsb etmir: “Amma ərazi güzəştlərinin masada olacağına zəmanəti olsa, razılaşa bilər”.
Ekspert əlavə edib ki, Putin Trampa Kiyevi daha münasib mövqeyə çəkmək üçün fürsət kimi baxır: “Putin Trampı Rusiyanın müharibəyə dair planının həyata keçirilməsinə töhfə verən biri kimi görür”.
CNN vurğulayıb ki, Moskva İstanbulda (Türkiyə) yüksək səviyyəli nümayəndə heyətləri ilə danışıqların yeni raundunu təşkil etməyə cəhd edə bilər, amma qələbə zəmanəti olmayan prezidentlər səviyyəsində görüşə hazır deyil.
