Syerra-Leonenin 2007-2018-ci illərdə prezidenti olmuş Ernest Bai Koroma dövlətə xəyanət ittihamlarının götürülməsindən sonra ölkəyə qayıdıb.
APA xəbər verir ki, 72 yaşlı Koroma Nigeriyadan paytaxt Fritauna gəlib.
O, 2023-cü ilin noyabrında baş vermiş çevriliş cəhdi ilə bağlı 2024-cü ildə dövlətə xəyanətdə ittiham olunmuşdu. İttihamlar bu ilin iyulunda ləğv edilib.
Koroma çevriliş araşdırması çərçivəsində ölkəni tərk etdikdən sonra Nigeriyada qalıb.
Qeyd edək ki, Syerra-Leonedə növbəti prezident seçkiləri 2028-ci ildə keçiriləcək.
