ABŞ-ın Energetika naziri Rik Perri istefa verdiyini açıqlayıb. Oxu.Az xəbər verir ki, bu barədə Perri “Twitter” hesabında yazıb.
Perri ABŞ lideri Donald Trampın administrasiyasında sözügedən vəzifəni daşımağın şərəf olduğunu bildirib.
Perrinin bundan sonra əvvəllər qubernatoru olduğu Texas ştatında fəaliyyətinə davam edəcəyi qeyd olunub.
Ağ Evin rəhbəri artıq Energetika naziri vəzifəsinə namizədini təqdim edib. ABŞ-ın yeni Energetika naziri Den Breyett ola bilər.
Xatırladaq ki, Perri 2017-ci ilin martından nazir postunda fəaliyyət göstərirdi.
