Yaşayan Nostradamus kimi tanınan görücü Athos Salome Britaniyanın “The Sun” qəzetinə 2024-cü il üçün əlamətdar proqnozlar verib.
"Sherg.az" xəbər verir ki Braziliyada yaşayan 37 yaşlı ekstrasensin sözlərinə görə, 2024-cü il hadisələrlə dolu bir il kimi görünür.
Əvvəllər koronavirusun yayılması, dünya çempionatının finalı, Putinin Ukraynaya hücumu və hətta kraliçanın ölümünü proqnozlaşdırdığı iddia edilən Salome-yə görə, bəşəriyyət nəhayət 2024-cü ildə yadplanetlilərlə təmasda olacaq. Ancaq bu əlaqə elmi fantastika filmlərində gördüyümüz işğal səhnələri deyil, teleskop tərəfindən çəkilən şifrəli siqnallar vasitəsilə reallaşacaq.
Salomeyə görə, xarici dünyanı kəşfimiz bununla bitmir.Zəngin materiallarla dolu asteroidin sürətlə Yerə doğru irəlilədiyini və sonunda təhlükəsiz yerə enəcəyini iddia edən ekstrasens, Çin və Rusiya kimi dövlətlərin sözügedən asteroid üçün Qərblə qarşı-qarşıya gələcəyini və bunun yeni bir "kosmos yarışını " başladacağını iddia edir.
Teslanın ABŞ-dakı Giga Texas fabrikində robotun mühəndisə hücumu 2023-cü ilin son günlərinə damğa vurdu və “süni intellekt”lə bağlı narahatlıqları artırdı. Braziliyalı ekstrasensin sözlərinə görə, insanlar süni intellektdən qorxmaqda tamamilə haqlıdırlar.
Salome, 2024-cü ilə qədər süni intellekt sistemlərinin özünüdərkə çatacağını və insan müdaxiləsi olmadan işləyə bilən şüurlu rəqəmsal ağıllara çevriləcəyini proqnozlaşdırır. Oracle bunu "AI-nin oyanışı" adlandırır və robotların insanın qavraya bilməyəcəyi bir dil inkişaf etdirərək öz yaradıcılarından yan keçə biləcəyini iddia edir.
Salome Sun-a bildirib ki, III Dünya Müharibəsi artıq ehtimaı deyil , “acı bir reallıqdır”. Ancaq bu təhlükə hamının düşündüyü kimi Rusiya-Ukrayna və ya Həmas-İsrail cəbhəsindən gəlmir. Braziliyalının sözlərinə görə, üçüncü dünya müharibəsi Cənubi Çin dənizində baş verən hadisə ilə birdən-birə baş verəcək.
Salome həmçinin bildirib ki, Çin və Rusiya kimi fövqəldövlətlər arasında formalaşan yeni oxun dünyanı hərtərəfli müharibəyə sürüklənməsinə səbəb ola biləcəyini, bunun da iqtisadiyyatlarda böyük tənəzzüllə yekunlaşacağını bildirib.
Təbii fəlakətlərin 2024-cü ildə dünyanı viran qoyacağını iddia edən Salome, bu fəlakətlərin harada baş verəcəyini bildiyini iddia edir və üç əsas ağrı nöqtəsini proqnozlaşdırır: Cənubi Sudan, Somali və Yəmən.
Bu arada Salome deyir ki, Birləşmiş Ştatlar diqqətini od və su ilə mübarizəyə yönəldəcək. Onun sözlərinə görə, qasırğalar və tropik tufanlar Meksika körfəzi yaxınlığında ölümcül daşqınlara səbəb olacaq. Kaliforniya, Oreqon və Vaşinqtonda meşə yanğınları artacaq.
2024-cü il üçün çox pessimist bir mənzərə təsvir edən ' canlı Nostradamus ' iddia edir ki, onun məqsədi panika yaratmaq deyil, insanları xəbərdar etməkdir. Proqnozlarının heç birinin dəqiq olmadığını vurğulayan Salome, müsbət həllərin onları dəyişdirə bilmə ehtimalının hər zaman olduğunu bildirir.
