Ukrayna Prezidenti Volodimir Zelenski Rusiya ilə müharibəyə son qoymaq üçün Kiyevin prioritetlərini ətraflı sadalamağa başlayanda ABŞ Prezidenti Donald Trampı qəzəbləndirib.
Teleqraf xəbər verir ki, bu barədə Britaniyanın “The Guardian” qəzeti yazıb.
Nəşr bildirib ki, Zelenski ABŞ və Avropa liderlərinin qarşısında çıxışı zamanı müharibəni bitirmək üçün Ukraynanın əsas şərtlərini sadalayıb, bu, oradakıları, xüsusən də Trampı qıcıqlandırıb.
Mənbə ABŞ prezidentinin Ukraynanın mövqeyini müzakirə etməkdə maraqlı olmadığını iddia edib.
“The Guardian” qeyd edib ki, Tramp Zelenskinin sözünü kəsərək onu tələsdirməyə, çıxışını tez bitirməyə çalışıb. Amma Ukrayna lideri buna məhəl qoymayıb.
Xatırladaq ki, avqustun 18-də Tramp Vaşinqtonda Zelenski və Avropa liderləri ilə görüş keçirib. Amerika lideri bundan sonra rusiyalı həmkarı Vladimir Putinə zəng edib.
