Türkiyə Super Liqasının 6-cı turunda “Trabzonspor” doğma meydanda “Qalatasaray”ı 4:0 hesabı ilə məğlub edib.
Sherg.az xəbər verir ki, qarşılaşmada meydan sahiblərinin qollarını Muhammed Salah (4, 44, 80) və Noah Saviolo (39) vurub. Salah matçda het-trik edib və bir məhsuldar ötürmə ilə yadda qalıb.
“Qalatasaray”da Çimuanya Uqoçukvu 87-ci dəqiqədə qırmızı vərəqə alaraq komandasını azlıqda qoyub. Okan Buruk da 72-ci dəqiqədə qırmızı vərəqə ilə cəzalandırılıb.
Bu nəticədən sonra “Trabzonspor” xallarını 10-a çatdırıb. “Qalatasaray” isə 13 xalla liderliyini qoruyub, lakin mövsümdə ilk məğlubiyyətini alıb.
