Suriya xalqı öz müqəddəratını təyin etmək üçün gərəkli iradəyə sahibdir.
Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Suriyanın müvəqqəti hökumətinin prezidenti Əhməd əş-Şara ilə görüşündən sonra mediaya açıqlamasında deyib.
“Suriyada yeni səhifə açıldı. Bu ölkədə terrora yer yoxdur. Türkiyə olaraq ən çətin günlərdə suriyalı qardaşlarımızı yalnız qoymadıq, yeni dövrdə də onlara lazımi dəstək veriləcək. Bu barədə dəyərli qardaşımıza da bildirdik. Yaxın zamanda qarşılıqlı səfərlərin və təmasların həyata keçəcəyinə inanırıq”, - deyə Ərdoğan bildirib.
