ABŞ Prezidenti Donald Tramp Birləşmiş Ştatlara idxal olunan bütün məhsullara azı 10 faiz rüsum tətbiq ediləcəyini açıqlayıb.
Trend xəbər verir ki, bu barədə o, canlı müraciəti zamanı deyib. Tramp ABŞ ilə ticarət kəsiri ən yüksək olan ölkələrə tətbiq ediləcək rüsumun daha çox olacağını bildirib. Yalnız ABŞ, Kanada və Meksika arasında azad ticarət sazişinə daxil olan məhsullar istisna ediləcək. İstisna edilməyən məhsullara 25 faiz vergi tutulmağa davam edəcək. Digər ölkələrdən idxal edilən məhsullara tariflər aprelin 5-i saat 00:01-dən qüvvəyə minəcək.
Qeyd edək ki, Tramp yeni tətbiq edilən rüsumlarla əlaqədar ABŞ-da aprelin 2-ni “Qurtuluş günü” elan edib.
