İsrail Prezidenti İshaq Hersoq mayın 30-da Azərbaycana gələcək.
“Report” xəbər verir ki, bu barədə İsrailin “The Jerusalem Post” qəzeti məlumat yayıb.
Bildirilib ki, Yaxın Şərq ölkəsinin başçısının səfəri iki gün davam edəcək. Rəsmi şəxslərdən əlavə, Hersoq Azərbaycanın yəhudi icmasının nümayəndələri ilə görüşməyi və İsrailin müstəqilliyinin 75-ci ildönümünə həsr olunmuş xüsusi tədbirdə iştirak etməyi planlaşdırır. Qəzet İsrail Prezidentinin səfərinin əsas məqsədi kimi iki dövlət arasında strateji əlaqələrin gücləndirilməsi adlandırır.
Bakıya səfərində Hersoqu İsrailin daxili işlər və səhiyyə naziri Moşe Arbel müşayiət edəcək.
