“Mənim nümayəndələrim Pakistanın İslamabad şəhərinə gedir — onlar sabah axşam danışıqlar üçün orada olacaqlar”.
APA xəbər verir ki, bu ABŞ Prezidenti Donald Tramp “Truth” sosial şəbəkəsində paylaşım edib.
New York Post-un yazdığına görə, İran müharibəsi üzrə danışıqlar bu həftə bərpa olunacaq. Məlumatda qeyd edilir ki, ABŞ prezidentinin xüsusi nümayəndəsi Stiv Uitkoff və Donald Trampın kürəkəni və keçmiş baş müşaviri Cared Kuşner Pakistan səfərinə hazırlaşır.
Donald Trump bildirib ki, İran müharibəsinin dayandırılması məqsədilə danışıqlar bu həftə yenidən başlayacaq. Tramp Ağ Evdən telefonla açıqlamasında deyib: “Stiv sabah axşam ora yola düşəcək.” Bununla o təsdiqləyib ki, Uitkoff bazar ertəsi axşam İslamabad şəhərinə çatacaq və ikinci raund sülh danışıqlarından əvvəl orada olacaq.
Əvvəlki danışıqlara rəhbərlik edən ABŞ-ın Vitse-prezidenti Ceyms Devid Vens bu səfərdə iştirak etməyəcək.
Prezident əlavə edib ki, kürəkəni və Yaxın Şərq üzrə əvvəlki razılaşmalarda iştirak etmiş Cared Kushner də çərşənbə axşamına planlaşdırılan danışıqlarda iştirak edəcək.
Yeni danışıqlar raundu İranın şənbə günü Hörmüz boğazından keçmək istəyən tankerlərə atəş açmasından sonra keçirilir. Halbuki İran rəsmiləri bundan əvvəl Trampa boğazın yenidən açıldığını bildirmişdi.
