Ankaranın Yenimahalle rayonunda bir iş yerinin qarşısındakı qəfəslərdən 10 min avro dəyərində olduğu bildirilən İngilis Bull Terrier cinsindən olan iti oğurlayan şübhəli tutulub.
Sherg.az xəbər verir ki, Yenimahalle rayonunda 30 mart tarixində, şəxsiyyəti naməlum bir nəfər, bir iş yerinin qarşısında yerləşən it qəfəsinin qapısını sındıraraq, Türkiyədə cəmi 30, Ankarada isə sadəcə 2 ədəd olan, İt İrkləri və Kinologiya Federasiyası (KIF) tərəfindən sertifikatlaşdırılmış, “Anapolis” adlı İngilis Bull Terrier cinsindən olan iti oğurlayıb. Bu it, KIF 2024 Ankara Kuboku Çempionatında Türkiyə Yavru Çempionu titulunu qazanıb və dəyəri 10 min avro olaraq göstərilib.
İtin sahibinin şikayəti əsasında hərəkətə keçən Ankara Polis İdarəsinin Asayiş Şöbəsinin Oğurluq və Cibgirlik Bürosu əməkdaşları, təhlükəsizlik kamerası görüntüləri vasitəsilə şübhəlini müəyyən ediblər. Əməliyyat keçirən qruplar şübhəlini saxlayıblar.
Şübhəlinin ünvanı yaxınlığında yerləşən bir daxmada gizli bölmədə tapılan it sahibinə təhvil verilib.
Polisdəki ifadəsindən sonra məhkəməyə çıxarılan şübhəli hakim qərarı ilə həbs olunub.
