NATO qüvvələri Qərbin göndərdiyi silahlara nəzarət, müşahidə əməliyyatları və təlimlər məqsədilə Ukrayna ərazisindədir.
Bu barədə İspaniya qəzeti “El Pais” öz mənbələrinə istinadən məlumat yayıb. Məlumatda alyansın hərbi qüvvələrinin Ukraynadakı döyüş əməliyyatlarında birbaşa iştirak etmədikləri qeyd olunub. Qəzet ötən iki həftə ərzində bir sıra ukraynalı və avropalı hərbi mənbələrdən müsahibələr aldığını bildirilib.
Məqalədə qeyd olunub ki, NATO ölkələrinin cəbhə xəttində vəziyyət, tədarük edilən silahların səmərəliliyi və onların istifadəsi ilə bağlı potensial problemlər, həmçinin hərbi yardımlarla əlaqəli mümkün korrupsiya hallarına dair yerli informatorları var.
Qeyd olunub ki, Ukrayna tərəfindən vuruşan təqaüddə olan xarici döyüşçülər də həmin informatorlar arasındadır.
Bundan başqa, iki mənbə qəzetə xüsusilə də Vaşinqtonun öz yardımlarını fəal şəkildə nəzarət etdiyini qeyd edib.
