Almaniyanın İctimai Mühafizə və Fəlakətlərin İdarə Edilməsi üzrə Federal İdarəsi sakinləri işıqların kəsilməsinə hazır olmağa və ərzaq ehtiyatı saxlamağa çağırıb.
“Report” xəbər verir ki, bu barədə “t-online” xəbər portalına idarənin vitse-prezidenti Rene Funk bildirib.
“Vətəndaşlara müraciət edirəm: fövqəladə hallara hazır olun, bu da uzun müddət elektrik kəsilməsi ola bilər. Xaricdən kritik infrastruktura hibrid hücumların sayı artır. Biz özümüzü təkcə hərbi cəhətdən deyil, həm də mülki müdafiə və fəlakətlərdən mühafizə sahələrində qorumağı bacarmalıyıq. Hər bir alman ailəsi üç gün özünü qidalandırmaq üçün lazım olan hər şeyə sahib olmalıdır”, - deyə o qeyd edib.
O izah edib ki, vacib olanlar elektrik enerjisindən asılı olmayan işıq mənbələri, məsələn, akkumulyatorla işləyən lampalar, şam və ya kibrit, adambaşına gündə 1,5 litr su, 72 saatlıq qidadır.
Buraya yemək tələb etməyən konservlər, qoz-fındıq, peçenye və ya simit çubuqları və ya batareya ilə işləyən radio daxil ola bilər.
