Dövlətə xəyanətdə təqsirləndirilənlərin Orxan Abdullayevin cinayət işi üzrə məhkəmə prosesinin hazırlıq iclası keçirilib.
Bakupost.az "Report"a istinadən xəbər verir ki, Bakı Ağır Cinayətlər Məhkəməsində hakimi Samir Əliyevin sədrliyi ilə keçirilən iclasda təqsirləndirilən şəxsin anket məlumatları dəqiqləşdirilib.
İş üzrə baxış iclası sentyabrın 6-na təyin olunub.
Qeyd edək ki, Orxan Abdullayevə qarşı Cinayət Məcəlləsinin 177 (oğurluq), 274 (dövlətə xəyanət), 283 (milli, irqi və dini ədavətin qızışdırılması) maddələri üzrə ittiham irəli sürülüb.
