Gəncədə qonşular arasında davada 3 nəfər xəsarət alıb.
APA-nın yerli bürosunun məlumatına görə, hadisə şəhərin Bağman yaşayış massivində qeydə alınıb. Dava nəticəsində 1967-ci il təvəllüdlü B.Qasımov, 1964-cü il təvəllüdlü Ə.Bağırov və 1971-ci il təvəllüdlü K.Qasımova xəsarət alıb.
Onlar xəstəxanaya yerləşdiriliblər.
Faktla bağlı Gəncə Şəhər Baş Polis İdarəsində araşdırma aparılır.
