Rusiya Federal Vergi Xidməti yenidən məşhur idmançı Həbib Nurməhəmmədovun əmlakına həbs qoyub.
Axar.az xəbər verir ki, bu barədə Rusiyanın Teleqram kanalları məlumat yayıb.
Bildirilib ki, buna səbəb idmançının 2024-cü il üçün vergi bəyannaməsini vaxtında təqdim etməməsidir.
Hazırda onun Dağıstandakı ata evinə, bir neçə bahalı avtomobilinə, xeyriyyə fondu və “Eagle FC”yə məxsus əmlaka həbs qoyulub.
Qeyd edək ki, ötən il 302 milyon rubldan çox ödənilməmiş vergi öhdəliyi olduğu üçün onun əmlakına həbs qoyulmuşdu. Nurməhəmmədov bu borcu bir həftə ərzində ödəmişdi.
