Şamaxı rayonunda zəlzələ qeydə alınıb.
Bu barədə Sherg.az-a Respublika Seysmoloji Xidmət Mərkəzindən bildirilib.
Yeraltı təkan yerli vaxtla 19:12-də baş verib.
9 km dərinlikdə baş verən zəlzələ hiss olunmayıb.
***
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, 27.02.2026-cı il tarixində yerli vaxtla saat 15:52-də Şamaxı rayonunda 4.7 maqnituda zəlzələ qeydə alınıb.
Bu barədə FHN-dən məlumat verilib.
Zəlzələ episentrdə 5 bala yaxın, ətraf rayonlarda 3-4 bala yaxın hiss olunub.
Zəlzələ nəticəsində dağıntı və ya insan xəsarəti barədə bu vaxtadək Fövqəladə Hallar Nazirliyinə məlumat daxil olmayıb.
***
Şamaxı rayonunda daha bir zəlzələ qeydə alınıb.
Bu barədə Respublika Seysmoloji Xidmət Mərkəzindən bildirilib.
3.3 maqnitudalı zəlzələ yerli vaxtla 16:05-də baş verib.
Yeraltı təkanın dərinliyi 10 km-dir.
***
16:12
Pirqulu stansiyasından 23 km cənub-qərbdə Şamaxı rayonunda 5 bal gücündə zəlzələ olub.
Bu barədə APA-ya Respublika Seysmoloji Xidmət Mərkəzindən bildirilib.
Məlumata görə, zəlzələ episentrdə 5 bala yaxın, ətraf rayonlarda 3-4 bala yaxın hiss olunub.
***
16:01
Azərbaycanda hissedilən zəlzələ olub.
Bu barədə Respublika Seysmoloji Xidmət Mərkəzindən bildirilib.
Qeyd edilib ki, zəlzələ Şamaxıda baş verib.
Yeraltı təkan yerli vaxtla 15:52-də baş verib.
20 km dərinlikdə baş verən zəlzələnin maqnitudası 4,7-dir.
