Tərtərdə ölümlə nəticələnən yol-nəqliyyat hadisəsi baş verib.
APA-nın yerli müxbiri xəbər verir ki, hadisə rayonun Sarıcalı kəndi ərazisində qeydə alınıb.
Hərəkətdə olan “Opel” markalı avtomobil qarşıdan gələn VAZ-2106 markalı avtomobillə toqquşub.
Nəticədə VAZ-ın sərnişini Kənan Sərhad oğlu Novruzov hadisə yerində həyatını itirib.
VAZ-ın sürücüsü Nurlan Şirinov ilə “Opel”in sürücüsü Qabil Məmmədov müxtəlif dərəcəli bədən xəsarətləri alıblar. Yaralılar Bərdə Rayon Diaqnostika Mərkəzinə çatdırılıblar.
Faktla bağlı araşdırma aparılır.
