Türkiyədə musiqiçi, gitara ifaçısı Onur Şener mahnıya görə öldürülüb.
Bu barədə müğənni Haluk Levent bildirib.
Belə ki, Ankaranın Çankaya rayonunda gecə klubunda üç nəfər naməlum şəxs musiqiçi Onur Şenerdən mahnı ifa etməsini istəyiblər. Musiqiçi mahnını bilmədiyini deyəndə həmin adamlarla Şener arasında mübahisə başlanıb və onlar butulkaları qıraraq musiqiçiyə atmağa başlayıblar. Şüşə qırıqları sənətçinin boynuna batıb. Hadisə yerinə polislər və tibb işçiləri gəliblər.
Xəstəxanaya aparılan ifaçının həyatını xilas etmək mümkün olmayıb.
Faktla əlaqədar üç nəfər nəzarətə götürülüb.
Mənbə: İHA
