Böyükşor–Pirşağı avtomobil yolunun tikintisinə start verilib. Bu barədə Azərbaycan Avtomobil Yolları Dövlət Agentliyi (AAYDA) məlumat yayıb. Bildirilib ki, Bakı şəhərində nəqliyyat sıxlığının azaldılması və nəqliyyat axınının tənzimlənməsində böyük rol oynayacaq yeni Böyükşor–Pirşağı avtomobil yolunun uzunluğu 12,7 km-dir. Yeni avtomobil yolu altı hərəkət zolağından ibarət olacaq. Yol başlanğıcını Böyükşor gölündən götürməklə Məmmədli və Kürdəxanı qəsəbələrindən keçib, Pirşağı qəsəbəsinə qədər uzanacaq. Qeyd edək ki, yol başlanğıcını Böyükşor gölündən götürməklə Məmmədli və Kürdəxanı qəsəbələrindən keçib, Pirşağı qəsəbəsinə qədər uzanacaq. Hazırda layihə üzrə torpaq işləri, ərazinin təmizlənməsi, bitki qatının çıxarılması, qazma və dolğu işləri aparılmaqla yeni torpaq yatağının inşası işləri həyata keçirilir. Bütün işlər “İnşaat Norma və Qaydaları”na uyğun icra edilir. İşlərin vaxtında yekunlaşdırılması üçün əraziyə lazımi sayda canlı qüvvə və texnika cəlb edilib.
Bəs, yeni inşa olunan avtomobil yolu sıxlığın aradan qaldırılmasına dəstək olacaq?
Məsələni ilə baölı danışan nəqliyyat eksperti Aslan Əsədov "Sherg.az"a bildirib ki, Böyükşor-Pirşağı yolunun tikintisi hər bir ərazi üçün perspektiv hesab olunur:
"Həmçinin, bu avtomobil yollarının baza prinsiplərinin çoxşaxəli inkişafı deməkdir. Hətta, Pirşağı qəsəbəsinə yaxın ərazilərinin yol infrastrukturuna da öz müsbət təsirini göstərəcək.Bu da həmin yolda sıxlığın qarşısını almaqla bərabər, yeni yolların çəkilməsini labüd edir".
