"Ayaks"da çıxış edən Ahmetcan Kaplanın mövsüm sonunda "Trabzonspor"a geri dönə biləcəyi iddia olunub.
Sherg.az xəbər verir ki, Fatih Tekkenin rəhbərlik etdiyi "Trabzonspor"da rəhbərlik gələcək mövsüm üçün transfer çalışmalarını sürətləndirib. "Bordo-mavililər"in "Ayaks" forması geyinən Ahmetcan Kaplanı gündəminə aldığı bildirilib.
22 yaşlı müdafiəçinin transferi üçün Fatih Tekkenin devrəyə girdiyi qeyd olunub. "Takvim" qəzetinin xəbərinə görə Fatih Tekke, Ahmetcan Kaplanla şəxsən görüşüb.
Gənc müdafiəçinin "Trabzonspor"a qayıtmağa müsbət baxdığı qeyd edilib. "Trabzonspor"un qısa müddətdə "Ayaks" klubu ilə rəsmi təmas qura biləcəyi vurğulanıb.
Gənc stoper bu mövsüm "Ayaks"da 15 oyunda forma geyinib və bu matçlarda 2 qol vurub.
Ahmetcan Kaplanın "Ayaks" ilə olan müqaviləsi 2027-ci ildə başa çatır. Gənc müdafiəçinin hazırkı bazar dəyəri 6 milyon avrodur.
"Trabzonspor" akademiyasının yetirməsi olan Ahmetcan Kaplan, 2022–2023 mövsümünün əvvəlində 9 milyon 500 min avro qarşılığında "Ayaks"a transfer olunmuşdu.
