“Bayer Leverkuzen”in futbolçusu Florian Virts karyerasını daha nəhəng klublardan birində davam etdirməyi düşünür.
Teleqraf “Bild” nəşrinə istinadən xəbər verir ki, Almaniya yığmasının gənc ulduzu bir neçə variant üzərində seçim etmək şansına malikdir.
Məlumata görə, 22 yaşlı yarımmüdafiəçisi yeni klub seçərkən Çempionlar Liqası və “Qızıl top”u qazanmaq şansına üstünlük verəcək. Belə olarsa, mütləq favorit “Real Mardid”dir . Üstəlik, “Bayer”in hazırkı baş məşqçi Xabi Alonsonun yayda “Real Madrid”ə yollanmaq ehtimalı olduğundan, bu, variant daha inandırıcıdır.
İkinci yerdə “Mançester Siti” qərarlaşıb. Pep Qvardiola uzun müddətdir ki, Virtsi izləyir və məşqçinin özü şəxsən yarımmüdafiəçiyə onu Kevin de Bruynenin varisi kimi gördüyünü deyib.
Gənc ulduzun “Bavariya”ya keçmək şansı daha azdır. Münhen klubunun fəxri prezidenti Uli Hoenes futbolçunun atası ilə şəxsən görüşsə də, Virts üçün ən az cəlbedici olan klub “Bavariya”dır.
