Azərbaycan idmançıları bu gün Tokio Paralimpiya Oyunlarında daha dörd medal qazanmaqla medal sıralamasında ilk “10-luğ”a düşüb.
Oxu.Az-ın xəbərinə görə, ümumilikdə medallarımızın sayı beşə çatıb. 3 qızıl və iki bürünc medalı olan Azərbaycan hazırda 9-cu sıradadır.
Qeyd edək ki, ilk sırada Çin qərarlaşıb. Üç günə 18 qızıl, 10 gümüş və 14 bürünc medal qazanan uzaq şərqlilər həm də qazandıqları 42 medalla rekordçudur. Böyük Britaniya 27 medal (9 qızıl, 9 gümüş, 9 bürünc) və Rusiya 24 medal (7 qızıl, 7 gümüş, 10 bürünc) medal qazanmaqla müvafiq olaraq 2-3-cü sıralarda qərarlaşıb.
