Əfsanəvi futbolçu Devid Bekhem karyerasında bir ilkə imza atır. O, məşhur simaların qonaq olacağı bir tok-şou proqramında aparıcılıq edəcək.
Sherg.az xəbər verir ki, 1990-cı illərə damğasını vurmuş Spice Girls qrupunun üzvü Viktoriya Bekhem ilə evli olan 49 yaşlı sabiq futbolçu Devid Bekhem, yeni proqramını təqdim edir.
Bekhem, "Beckham and Friends" adlı söhbət proqramını sosial media hesabında elan edib. O, proqramında Almaniyadakı finaldan əvvəl “Milan” – “Barselona” və “PSJ” – “Arsenal” yarımfinal qarşılaşmalarını məşhur qonaqlarla birlikdə müzakirə edəcək.
Bekhemin qonaqları arasında Tom Kruz, Qordon Remzi və Rayan Reynolds kimi tanınmış adların olacağı bildirilir.
Bekhem Instagram hesabında proqramın çəkiliş meydanından görüntülər paylaşıb. O, 47 yaşlı Tyerri Anri ilə müsahibə anlarını izləyicilərlə bölüşüb.
Sabiq futbolçu paylaşımında belə deyib:
"Yeni Çempionlar Liqası proqramım “Beckham and Friends Live” üçün studiyama yeni gəldim və etiraf etməliyəm ki, hər şey çox gözəl görünür. Bu, çox həyəcanvericidir!"
Qeyd edək ki, Devid Bekhemin 2023-cü ildə yayımlanan Netflix sənədli filmi "Beckham", böyük əks-səda doğurmuşdu. 5 Emmy mükafatına namizəd olan film, ilk həftəsində 3,8 milyon izləyici ilə rekord qırmışdı.
