Bosniya və herseqovinalı futbolçu Edin Ceko Türkiyənin "Fənərbağça" klubundan ayrılıb.
AZƏRTAC xəbər verir ki, 39 yaşlı hücumçu bununla bağlı sosial şəbəkə hesabında paylaşım edib.
"Vida zamanı gəlib çatdı. Ayrılmaq əsla asan deyil. Xüsusilə də bu klub “Fənərbağça”dırsa. İki il ərzində mənə öz ailəsi kimi davranan hər kəsə təşəkkür edirəm”, - deyə təcrübəli forvard yazıb.
Qeyd edək ki, Edin Ceko “Fənərbağça” karyerasını 99 oyunda vurduğu 46 qol və etdiyi 18 məhsuldar ötürmə ilə tamamlayıb.
