Hayfa "Makkabi"sinin yarımmüdafiəçisi Qadi Kinda 32 yaşında vəfat edib.
Oxu.Az xəbər verir ki, bu barədə "13TV" məlumat yayıb.
Futbolçu xərçəng xəstəliyinə görə dünyasını dəyişib. O, may ayının əvvəlindən Hayfa xəstəxanasında müalicə altına alınıb, daha sonra Tel-Əvivdəki tibb mərkəzinə köçürülüb və orada vəfat edib.
Kinda karyerası ərzində təkcə "Makkabi"də deyil, həmçinin "Aşdod", "Kanzas-Siti" və Qüdsün "Beytar" klublarında da çıxış edib. Bu mövsüm o, "Makkabi" üçün 30 oyun keçirib, 1 qol vurub və 3 məhsuldar ötürmə ilə yadda qalıb.
10 dəfə İsrail milli komandasının formasını geyinən Kinda 2 qola imza atıb.
