Futbol üzrə Azərbaycan Premyer Liqasında XXXI tura start verilib.
Teleqraf xəbər verir ki, turun açılış oyununda “Araz-Naxçıvan” “Liv Bona Dea Arena”da "Turan Tovuz"u qəbul edib.
FIFA referisi Əliyar Ağayevin idarə etdiyi görüş heç-heçə ilə yekunlaşıb - 1:1.
Hesabı 33-cü dəqiqədə qonaq komandadan Faiq Hacıyev açıb. Lakin 52-ci dəqiqədə İssuf Paro tarazlığı təmin edib.
76-cı dəqiqədə meydan sahiblərinin futbolçusu Vanderson Melo ikinci sarı vərəqə ilə meydandan qovulub. Lakin "Turan Tovuz" say üstünlüyündən yararlana bilməyib.
Beləliklə, komandalar arasındakı xal fərqi dəyişməyib. Hazırda "Araz Naxçıvan" 53 xalla 3-cü, "Turan Tovuz" 48 xalla 4-cüdür.
Qeyd edək ki, turun digər oyunlarında "Sabah" "Səbail"i, "Qarabağ" "Neftçi"ni, "Şamaxı" "Kəpəz"i, "Zirə" isə "Sumqayıt"ı qəbul edəcək. Qarşılaşmalar 19 - 20 apreldə keçiriləcək.
