PSJ-nin ulduzu Lionel Messi karyerasında yeni səhifə açmağa hazırlaşır. “Barselona”dan sonra PSJ-yə yollanan argentinalı ulduz fransız nəhəngindən ayrılmağa hazırlaşır.
Sherg.az xəbər verir ki, Səudiyyə Ərəbistanı komandalarından fantastik təkliflər alan və “Barselona”ya dönəcəyi də söz mövzusu olan Lionel Messinin son paylaşımı diqqət çəkib.
PSJ-nin "Loryen"ə uduzduğu və böyük böhrana səbəb olduğu matçdan sonra klubdan icazəsiz Səudiyyə Ərəbistanına gedən Lionel Messi bu səfərini təkrarlayıb.
Lionel Messi növbəti dəfə Səudiyyə Ərəbistanına gedərkən ailəsi ilə birlikdə ölkə turuna çıxıb. Təcrübəli ulduz həmin anları sosial media hesabında paylaşıb.
"Səudiyyə Ərəbistanının tarixi mərkəzi olan Diriyahı ailəmlə birlikdə kəşf edərək gözəl bir gün keçirdim" deyə Messi bildirib.
Argentinalı futbolçunun sözügedən paylaşımı qısa müddətdə böyük əks-səda doğurdu.
Turan
